(पावर २) परियोजना वार्षिक समीक्षा र प्रतिबिम्ब कार्यशाला

यसका साथै लुथरन वल्ड फेडरेसन (LWF) नेपालका देशीय निदेशक विजया व्रजाचार्यद्वारा जलवायु न्याय र लैङ्गिक न्याय सम्बन्धि अभिमुखीकरण सत्र संचालन गनुभयो । यस सभाको मुख्य उद्देश्य बैठकमा सहभागी भएकाहरुलाई लैङ्गिक न्यायको महत्वका साथसाथै दुबई (UAE) मा सन् २०२३ नोभेम्बर-डिसेम्बरमा हुने कोप (COP) योजनाको निम्ति सचेत गराउनु हो ।

कार्यशालाअघि कपिलवस्तु जिल्लाको महाराजगञ्‍ज नगरपालिकामा एक दिने क्रस लर्निङ्ग भ्रमणको आयोजना गरिएको थियो जहाँ आई.एन.एफ. नेपाल (INF Nepal) ले पावर २ (POWER II) परियोजनाको गतिविधिहरु कार्यान्वयन गरिएको थियो । साझेदार सँस्थाका सदस्यहरू र यसका कार्यान्वयन साझेदारहरू, (WHRD) का सदस्यहरु सहभागी भइ र लैङ्गिक समानता र सामाजिक समावेशीकरण (GESI) मुद्दाहरूसँग सम्बन्धित प्रभावहरू जस्तै राम्रो अभ्यासहरू, सिकेका पाठहरू र चुनौतीहरूको बारेमा छलफल गर्न स्वयं सहायता समूहका सदस्यहरूसँग भाग लिई अन्तरक्रिया गरे । 

यस परियोजनाले महिलाहरूलाई कसरी फाइदा पुर्‍याइरहेको छ भनेर हेर्नु निकै उत्साहजनक थियो । प्यूठानको स्वर्गद्वारी नगरपालिकामा एक छोरा र छोरीसहित बस्दै आएकी ३४ वर्षीया एक महिलाको कथा सुनाइयो । उनको विवाह १७ वर्षअघि भएको थियो । विकट भौगोलिक अवस्थितिका कारण दैनिक पारिवारिक खर्च धान्न असम्भव भएकाले उनका श्रीमान् रोजगारीका निम्ति साउदी अरब गएका थिए । उनका श्रीमान्ले ३ वर्षदेखि नियमित पैसा पठाउँदै आएकाले उनीहरुको घर राम्रोसँग चलिरहेको थियो । श्रीमान्ले पठाएको पैसा र उनले गरेको श्रमबाट उठेको रकम जम्मा गरी उनीहरुले दाङमा जग्गा खरीद गरे । विवाह दर्ता र नागरिकताको व्यवस्था गर्न श्रीमान् लाई पटक-पटक आग्रह गर्दा पनि उनले मानेनन् । उहाँ धेरै वर्षदेखि बैदेशिक रोजगारीले घरबाहिर हुनुहुन्छ त्यसैले सो काम गर्न समय नरहेको होला भन्ने सोचले म धैर्यपूर्वक बसिरहे । यसैबिच, मेरो श्रीमान् विदेशबाट घर फर्किनुभयो र म पनि धेरै खुसी भएँ, तर मेरो खुशी लामो समयसम्म टिकेन, किनभने उहाँले मसँग फरक व्यवहार गर्न थाल्नुभयो । केही समयपछि हामीलाई थाहै नदिई उहाँ एकाएक बेपत्ता हुनुभयो । मेरा साथीहरूले उहाँलाई खोज्न लामो समयसम्म मद्दत गरे, तर उहाँलाई भेटिएन । गाउँका दिदीबहिनीहरूले मलाई आड्रा (ADRA) परियोजनाद्वारा स्थापित महिला मानव अधिकार रक्षक (WHRDs) का निशा घर्र्तीसँग परामर्श गर्न सुझाव दिए । मैले निशा बहिनीलाई भेटेँ, उहाँले मलाई मेरो श्रीमान् लाई खोज्न सामाजिक सञ्‍जालमा सूचना प्रकाशन गर्न सल्लाह दिईन् । त्यसपछि उहाँ अर्की महिलासँग भारतमा बसिरहनुको भनी हामीले जानकारी पायौँ । जानकारी पाएको केही समयपछि भाइको सहयोगले हामीले उहाँलाई नेपाल ल्यायौँ । निशा बहिनीको सल्लाह अनुसार मैले उहाँमाथि अदालतमा बहुविवाहको मुद्दा दर्ता गरे । अदालतले मेरो पक्षमा फैसला गरेपछि अहिले मैले न्याय पाएको छु र दाङमा खरीद गरिएको जग्गा मेरो नाममा दर्ता गराएकी छु । निशा बहिनीलाई प्रक्रियासहितको कानुनी व्यवस्थाको बारेमा सल्लाह दिनुभएकोमा र मैले पाएको न्यायको बाटो देखाउनुभएकोमा हृदयदेखि नै धन्यवाद दिन चाहन्छु । अन्तमा, म अरूलाई पनि आफ्नो विवाह दर्ता गरेर सबै कानुनी प्रक्रिया पूरा गर्न अनुरोध गर्दछु ।

आड्रा नेपाल (ADRA Nepal), कारितास नेपाल (Caritas Nepal), आई.एन.एफ नेपाल (INF Nepal) र एल.डब्लु.एफ नेपाल (LWF Nepal) ले ग्रामीण महिला सशक्तिकरण गर्ने लक्ष्यका साथ पावर २ (POWER II) परियोजना संयुक्त रुपमा सञ्‍चालन गरिरहेकाछन् । यो परियोजनालाई अष्ट्रेलियन सरकार र आड्रा अष्ट्रेलियाले आर्थिक सहयोग गरेका छन् । स्थानीय गैरसरकारी संस्थाहरुसँगको सहकार्यमा १० जिल्लाहरुमा यो परियोजना कार्यान्वयन भइरहेको छ ।