भ्रूण प्रत्यारोपन तालिम

आड्रा नेपालले साना दुग्ध उत्पादक कृषकहरूको लागि कृत्रिम गर्भधान अभिवृद्धि (TERAI) परियोजना मार्फत नेपाल सरकारका गाई प्रजनन् कार्यक्रम तथा सेवामा सम्लग्न भएका कर्मचारीहरूको दक्षता विकास गर्न पाँच दिने तालिमको आयोजना गर्‍यो । उद्‍घाटन समारोहको अवसरमा आड्रा नेपालले यस कार्यक्रमका प्रमुख अतिथिको रूपमा उपस्थित हुनुभएका कृषि तथा पशुपन्छी विकास मन्त्रालयका सचिव डा. रेवती रमन पौडेललाई ५० वटा जर्सी गाईको भ्रूण हस्तान्तरण गर्नुभयो । यस TERAI परियोजना अन्तर्गत रोयल जर्सी एग्रिकल्चर एण्ड हर्टिकल्चर सोसाइटीसँगको सहकार्यमा आड्राले बेलायतबाट ५० वटा जर्सी गाईको भ्रूणहरू आयात गरेको छ । आयात गरेका जर्सी गाईको भ्रूणहरू चितवनका सरकारी पी.पी.आर.एस. फार्म लगायत जिरी र पोखराका विभिन्‍न फार्महरूमा वितरण गरिनेछ । भविष्यमा नेपाल सरकारको दुग्ध उत्पादन वृद्धिको योजनाहरूमा उक्त भ्रूणहरूले आवश्यक सहयोग पुर्‍याउनेछ ।