एड्रा नेपालले जनकपुर प्रादेशिक अस्पतालसँगको समन्वयमा हालै महिलाहरूको स्त्रीरोगसम्बन्धी केसहरू हेर्नका लागि एउटा समर्पित अपरेशन थिएटर सुरु गरेको छ। उक्त अपरेशन थिएटरको संयुक्त रूपमा उद्घाटन कविता कश्यनाथन (प्रमुख, विकास, अष्ट्रेलियाली दूतावास), डा. मुक्ति नारायण साह (प्रमुख, स्वास्थ्य खण्ड, सामाजिक विकास मन्त्रालय, मधेस प्रदेश) र डा. नवल किशोर साह (कुलपति, मधेस स्वास्थ्य विज्ञान प्रतिष्ठान, जनकपुर) ले गर्नुभयो। यो समर्पित अपरेशन थिएटरले हालका अपरेशन थिएटरहरूले सम्हाल्ने बिरामीको चाप कम गर्नेछ र पेल्भिक अर्गन प्रोल्याप्स (pelvic organ prolapse) र अन्य स्त्रीरोगसम्बन्धी समस्याबाट पीडित महिलाहरूलाई अस्पतालका स्वास्थ्य सेवाहरूमा सजिलो पहुँच प्रदान गर्नेछ। अपरेशन थिएटरका लागि आवश्यक उपकरण र औजारहरू अस्ट्रेलियन एड (Australian Aid) र ओपन हार्ट इन्टरनेशनल (Open Heart International) द्वारा सहयोग गरिएको थियो।.
