आड्रा नेपालले कर्णाली प्रदेशको जर्जाकोटमा गएको भूकम्पको प्रतिकार्य निर्धारण गर्न राष्ट्रिय तथा स्थानीय सरकारी निकायसँग सम्पर्क गरी अवस्थाको मूल्याङ्कन गर्दै आएको छ । गत कार्तिक १७ गते राति ११:४७ मा गएको भूकम्पमा परी हालसम्म १५७ जनाको मृत्यु भएको छ भने २५६ जना घाइते भएका छन् । करिब ४००० घरहरु आंशिक रुपमा क्षति भएका छन् भने ९०० भन्दा बढी घरहरु पूर्ण रुपमा क्षति भएका छन् । सरकारले अन्तर्राष्ट्रिय निकायलाई सहयोग गर्न आग्रह गरेसँगै आड्राले राष्ट्रिय आपतकालीन व्यवस्थापन योजना (NEMP) सुरु गरेको छ र बारेकोट गाउँपालिकाका भूकम्प पीडितहरुका निम्ति ६५० थान आश्रयका सामग्रीहरु उपलब्ध गराउँदै आएको छ । यी आश्रयका सामग्रीहरु हाम्रो कार्यान्वयन साझेदार एजेन्सी, वातावरण तथा ग्रामीण विकास केन्द्र (ENRUDEC) को सहकार्यमा वितरण गरिएको छ। आड्राले आवश्यक सहयोगको निम्ति जोखिममा परेका र अति असुरक्षित परिवारहरूको सूची संकलन गर्न स्थानीय निकायहरुसँग मिलेर काम गरिरहेको छ । जाडो मौसम सुरु भएसँगै हामीले प्रभावित मानिसहरूलाई आवश्यक आधारभूत प्रावधानहरू प्रदान गरी जाडोमा न्यानो राख्न आवश्यक छ ।
आड्राले वर्तमाण आवश्यकताहरूको आकलन जारी राखेको छ र यी स्थानहरुमा भविष्यको प्रतिलाभ आवश्यकताहरुको विचार-विमर्श गरिरहेको छ। भूकम्पबाट प्रभावित व्यक्तिहरूले स्थानीय सेवा र जीविकोपार्जनमा भएका अवरोधहरुको अनुभव गर्न सक्ने सम्भावना छ र यहाँका स्थानीय सेवाहरुको पुनर्निर्माण, पूर्वाधार मर्मत, स्वास्थ्य सेवा, मनो-सामाजिक सहयोग, जीविकोपार्जन, पानी र सरसफाइ सेवाहरूको लागि निरन्तर सहयोगको आवश्यकता रहेको छ । विपत्तिबाट प्रभावित मानिसहरूको जीवन सुधार गर्ने हाम्रो लक्ष्यलाई हाम्रा साझेदारहरू र दाताहरूले यी आवश्यकताहरूको बारेमा विचार गर्नुहुनेछ भनि हामी आशा गर्दछौं ।
