आड्रा कोरियाका अतिथिहरु तीन विद्यालयहरुमा भ्रमण गर्नुभयो उहाँहरुले युनाइडेड फर् एडुकेसन्स् (सबैका लागि शिक्षा) कार्यक्रम मार्फत विद्यार्थीहरुलाई छात्रवृत्ति सहायता प्रदान गरिराख्नु भएको छ । विदाको समयमा पनि शिक्षक र विद्यार्थीहरुद्वारा उपस्थित भई उहाँहरुको न्यानो अभिवादन गरियो साथै ती विद्यार्थीहरुसँग परिचय गरियो । आड्रा कोरियाका निर्देशकले उनीहरुलाई अध्ययनमा प्रोत्साहित गर्नुभयो तथा आड्रा नेपालका देशीय निर्देशकले उनीहरुको भविष्यको सपना साकार पार्न पनि प्रेरित गर्नुभयो । विद्यार्थीहरुसँगको भेटघाट र विद्यालयको भ्रमण सँगै, उहाँहरुले आड्रा कोरियाद्वारा छात्रवृत्ति पाएकी छात्रा मल्लीकाको घर पनि भ्रमण गर्नुभयो । उनी हाल कक्षा १० मा अध्ययनरत छिन् र सन् २०१७ देखि आड्राद्वारा छात्रवृत्तिको सहायता पाइरहेकी छिन् । ढुङ्गा र माटोले बनेको उनीहरुको घर सन् २०१५ को महाभूकम्पबाट भत्कियो र दुइ कोठाको घर उनीहरुले निर्माण गरे । मल्लीकाकी आमा मिनु, वर्तमानमा आय आर्जको मुख्य स्रोत छिन् र मल्लीका र उनका १३ वर्षे भाईलाई मद्दत गर्छिन्, जसले सन् २०१५ को भूकम्पमा आँखाको दृष्टि गुमाएका थिए । २ वर्ष पहिले उनको आँखाको शल्यक्रिया भयो र उनी अहिले पनि नियमित रुपमा औषधि प्रयोग गर्दैछन् । मिनुसँग नियमित आय श्रोत छैन तर काम पाएको वेलामा मौसमी ज्यालादारीको रुपमा काम गरेर आफ्नो परिवारको जीविका चलाउछिन् । उनीहरुले केही जमीन भाडामा लिएर आफ्नो उपयोगको निम्ति तरकारी उब्जाउँछन् । मल्लीकाले विद्यालय जान आड्राबाट छात्रवृत्ति सहायता पाउन सेकेकोमा उनीहरु खुसी छन् । उनी एक निष्ठावान छात्रा तथा उत्कृष्ट नृत्य पनि गर्छिन् । विद्यालय भ्रमणको बेलामा उनले नृत्य प्रस्तुत गरिन् र आफू भविष्यमा एक समाजसेवी बन्ने इच्छा रहेको जानकारी गराइन् ।
यस बर्ष ६३ जना बिद्यार्थीहरुलाई छात्रवृत्ति सहयोग गर्ने आड्रा कोरियालाई धन्यबाद । उहाँहरुले बिद्यालय पोशाख, शौक्षिक सामाग्रीहरु प्रदान गर्नुभयो जसले गर्दा उनीहरुको परिवारमा आर्थिक भार कम पर्यो र उनीहरुलाई विद्यालय जान प्रोत्साहन गर्यो ।
